అష్టకాల విద్యాచరణ్ 2వ అష్టావధాన పూరణలు

 మర్పడగ శ్రీవిజయదుర్గామాత,

సంతానమల్లికార్జున స్వామి క్షేత్రంలో ఆదివారం న మధ్యాహ్నము 12గంటలకు *అష్టావధానము*:-  అవధాని: శ్రీ అష్టకాలవిద్యాచరణ్ గారు*

సభాధ్యక్షులు:

*ఆచార్య డా శ్రీ  చెప్పెల హరినాథ శర్మ* గారు దేవాలయ నిర్మాతలు.

సంచాలకులు:

అవధానతిలకబ్రహ్మశ్రీముత్యంపేటగౌరీశంకరశర్మ గారు

ముదిగొండ అమరనాథశర్మ

పృచ్ఛకవర్గము

సింగీతం నర్సింహారావు గారు.(సమన్వయము)

1)శ్రీ వర్కోలు లక్ష్మయ్య గారు (నిషిద్ధాక్షరీ)

2)శ్రీమతిజలజారాణి గారు(సమస్య)

3)శ్రీమతి మాధవీలతగారు.(దత్తపది)

4)శ్రీ పన్యాల అంజిరెడ్డి గారు.(వర్ణన)

5)కొరిడె పవన్ కుమార్ గారు (ఛందో భాషణము)

6)శ్రీమతి బాలసరస్వతి గారు (పద్య అంత్యాక్షరి)

7) చిగురాల పద్మ గారు (ఆశువు)

8) గారు.(అప్రస్తుతము)

సాహితీ, అష్టావధాన అభిమానకవి,పండిత అవధానవర్యులందరినీ స్వాగతిస్తూ ఆహ్వానిస్తున్నాం.

1.

నిషిద్ధాక్షరి:వరుకోలు లక్ష్మయ్య 

దుర్గామాత వైశిష్ట్యాన్ని వర్ణిస్తూ నిషిద్ధాక్షరి:

కం.

(ప)    (త)(న)(వ)(న)(అ)(న)

మౌని నుతాంబవుగ 

మహిన్

(గా)  (వ)(న)(వ)(న)(న)(ర)(జ)(ద)(గ)

రాణించితిగావమమ్ము రావేవేడ్కన్!

గానమ్ములతో గొల్చెద 

కాననముల బడకవేగ కరుణన్ దుర్గా!!

2.సమస్యాపూరణం

జలజారాణి

ఉ.

" నాకిక చింత లేదు శరణాగతి నీవెగదమ్మశారదా"

రాకయునీది పద్యమును రంజిలజేసెడు బాధ నీది, నే 

పోకడ జూపినన్ విధిగ బుద్ధిని నేర్పెడు నేర్పునీది నా

వేకువ నీవుగాదె పరివేష్టితమైననుగాచుచుండగా

3.దత్తపది 

మాధవీలత -స్నేహబంధం

 సమత,మమత,చెలిమి కలిమి.

సమత యెట్టులకుదిరెనో సమ్మతమ్ము

మమత పెంపొంది చెలిమినన్ మాన్యులవగ 

లక్ష్యమందున శ్రీ కిషన్ రావు గారి

కలిమిగోల్పోయె నరసింహ కవివరుండు.

4.అంజిరెడ్డి 

గురువు బోధన విధానాన్ని గూర్చి వర్ణన:

గీ.

గురువు నేర్పించ పాఠముల్ గుర్తెరింగి 

పరుగులెత్తించు బాధ్యతల్ బాలలచట

పరువు నిలబెట్టు శిష్యులన్ వదలకున్న

కీర్తి చిరమౌచు నిలచును కేతనముగ

5.కొరిడెపవన్ కుమార్ 

ఛందోభాషణం.

ఆమ్ల క్షారమ్ముల నెరుగు నార్యులకును

 పద్య మెట్టుల యబ్బేనో పలుకు మయ్య

వారసత్వమున లభించె పద్యవిద్య

వాణిననుజేరి గెలిపించె రాణకెక్క...

6.

ఆశువు బోనాల విశేషము

 చిగురాల పద్మావతి 

1.కం.

 బోనమ్ముల పండుగలో 

గానమ్ముల భక్తి రసము గణనీయముగా 

నానందముసర్వమ్మయి 

పానమ్ములు పారుచుండు పరవశమందున్

2.ఆశువు రామాంజనేయులు చెలిమి.

కం.

రాముని ప్రేరణ తానై 

భీమసహోదరుడు నిల్చి భీష్మ ప్రతిజ్ఞన్

క్షేమమ్మును తెలుపుటకై 

నేమమ్మును తప్పకుండ నిలిచెను సఖుడై 

7.బాల సరస్వతి అంత్యాక్షరి."ర"

 కం.

రామా రఘుకుల సోమా 

మేమా మీ సేవకులము మీదయ తోడన్

రామా మీకడమేమటు 

రామాయణు మాటచాలు రక్తిని బెంచున్!

అంత్యఅక్షరం. "ల"

లక్ష్యము లేని దీ బ్రతుకు రంగములెన్నని నాటకమ్మునన్

భక్ష్యమభక్ష్యమన్న మతి బద్ధ విచక్షణ గాంచలేని యీ

కక్ష్యల హోరులోనబడి కర్మల భ్రాంతిని వీడలేక యీ

కక్ష్యకమందునిల్చి నిను గాంచుటసాధ్యమదేల భారతీ!

[8/8 17:34] Singeetam: మనవిద్యాచరణన్నకు

మనమంతయు వెళ్ళి సభన మద్దతు నీయన్

జనమెల్లరు మోదముతో

కనువిందుగజేసుకొనగ కలకలలాడున్

[8/8 17:51] తాటికొండ శివ కుమార్: విద్యా చరణుడు తప్పక 

సధ్య స్పురణతొ కవనము సలుపును నిజమున్

విద్యా దేవేసాక్షీ

పద్యాలల్లుము వరసగ ప్రక్కన నుందున్ !

🫣🫣

[8/8 17:53] Dr Gayathri Devi: ద్వితీయావధానమద్వితీయమగుత

కం.విద్యాచరణుని వాక్కులు

పద్యాలైసారస్వత వాద్యాలై ,నై

వేద్యాలై బుధవరులకు

సద్యఃస్ఫూర్తినొ సగు నిది సత్యము సుండీ!

వే.గా.

[8/8 17:57] మాముషా: చరణములందునహృదినా

చరణములేనమ్మికొల్చు*సౌశీల్యుడు;స

చ్చరణావధాని,విద్యా

చరణుడు, వాణీ కటాక్ష*వాగ్విభవుండే! 

విద్యా వాణీ వాగ్ఝరి

సద్యస్కాలమ్మునందు*సమకూర్చునుగా! 

ఆద్యంతమ్మద్వితీయము

పద్యోద్యానమ్మువాణి*పరిపూర్ణమ్మౌ!

[8/8 18:18] Mutyampeta: కవివై పద్యము జెప్పుచు 

రవివై మిత్రాళి హృదయ రాజీవములన్ ! 

పవివై ముందుకు సాగుచు. 

ఛవి జూపుమ అష్టకాల చరణా ! జయహో ! 👌👍🙏🌹

[8/8 18:33] Satyanarayana Rao Veludanda: శుభములు కలుగగ మిత్రుల

యభినందన లెల్లను వరుసై నిలువంగా 

విభవము మీరగ నవధా 

న భయము తొలగంగ మల్లన దయ గురియుతన్

✍🏻డా.వెలుదండ సత్యనారాయణ

                  పరమార్థకవి

                      8.8.26

శ్రీ విద్యాచరణ్ గారి 9 8 26 నాటి

 అవధాన సందర్భంగా..

మల్లన = మల్లికార్జునుడు

[8/8 18:35] B.C.S Sharma: 🕉️🌳

శుభాకాంక్షలు:-

తేటగీతి:-

÷÷÷÷÷÷

"అష్టకాల విద్యాచరణావధాని"

ఆది వారముదయమందునమ్మ చెంత

చేయబోవు "వధానము" శ్రీకరముగ

సాగుతమ్మ "విజయదుర్గ శక్తినిడగ.

---✍️డా||భోగయగారి.

చన్ద్రశేఖర శర్మ-9440044142,

గెజిటెడ్ హెడ్మాస్టర్,. బండిమెట్, పాటిగడ్డ,

సికింద్రాబాద్-3.

తేది::8ఆగస్టు,2026.

%%%%%%%%%%%%%%

[8/8 18:52] Lingeswara Sharma: ద్వితీయమద్వితీయమైనవేళలోనతెన్గుసా

హితీప్రయాణమింకసాగుహృద్యపద్యకేళిభా

రతీకృపాకటాక్షపాత్రులైసదావధానిగా

నితాంత ఖ్యాతినొందుతారునిశ్చయమ్ముగావుతన్

జి.లింగేశ్వర శర్మ

[8/8 18:57] Dr.Cheedela Sita Laxmi: అష్టావధాని శ్రీ విద్యా చరణ వాణీ దయాసముద్ర విజయోస్తు👌🎉🤝🙏🌹

---------------------

విద్యలందు మేటి విద్యాచరణుడును

పద్యములను చెప్ప ప్రబలు డితడు 

అమ్మనెపుడు కూడ నమ్మి యుండును వాడు

హాస్యమొప్ప జెప్పు  ననవరతము!!

---------------------

డా. చీదెళ్ళ సీతాలక్ష్మి 

అమెరికా

[9/8 16:08] Harimama: అష్టకాల విద్య ఆనువంశికమయ్యె 

పద్యగంగ పొరలి పరవశింప 

విశ్వ విభునృ సింహ విద్యాచ రణుడవ

ధాని సింహ మనువిధమురహించె

[10/8 10:59] Harimama: తండ్రి జూపిన బాటలో తనరు కాంతి ఆశయమ్మద్ది ఆత్మసంయమసుశాంతి 

ఛాందసమ్మైన పద్యసంబంధ  క్రాంతి

అష్టకాలాన్వయాబ్ధిలో అది హసంతి

[10/8 14:12] Harimama: "అష్టకాలాన్వయాబ్ధిలో అది హసంతి" అనే పాదం కాల ప్రవాహంలో ఆ దైవిక శక్తి చిరునవ్వుతో ప్రకాశిస్తుందని అర్థం. ఈ వాక్యం అనంతమైన కాలం మరియు శాశ్వతత్వాన్ని సూచిస్తుంది.